Te Rūnanga o Ngāti Kahungunu ki Te Whanganui ā Tara 2009

Mihia te poari kaitieki hou ā TRONK 2009

Noelene Smiler, Makere Joe, Bill Hamilton, Clayton Reiri, Eboni Waitere, Tiopira Rauna
Abe Scott, KayeMaree Dunn, Toni Huata, Teroera Puna.

I tohua tēnei kahui tangata ki te whakahaere i ngā mahi ā TRONK mō te tau kei te heke mai nei. He kāhui e manawanui ana ki te whakakotahi i ngā uri ā Kahungunu i te whakawhanaungatanga. Akoakenei kā whakapaa atu ngā whakaritenga hui.

Introducing the newly elected board of Trustees for TRONK 2009. Events and activities of TRONK will be publicised shortly with wānanga whakapapa, waiata and kaupapa on the calendar. Check back for details or join the email list kahungunuembassy@gmail.com.

TRONK AGM / Tihei Kahungunu Waiata Wānanga August 2009

TĪHEI KAHUNGUNU te whakataukii o te rā!

Kā mutu te hui ko tēnei. E rua ngā take o te rā, kātahi ko te Hui-ā-Tau ā TRONK, kā rua ki te wānanga i ngā waiata ō te kainga.

Te Hui ā Tau ā Te Runanga o Ngāti Kahungunu ki Te Whanganui ā Tara (TRONK)

I whakatakotohia ē TRONK i ngā purongo ā te tiamana, ā te kaitiaki putea, ā te poari, e pā ana ki ngā mahi i mahia. He maha ngā pātai me ngā kōrero ā te minenga. I te mutunga iho, i pai te minenga ki te mahi mē te pirangi kia whakahaere tonutia te kaupapa.

I pōtihia ngā mema hou o te poari. Na te kaha tautoko o te minenga, he tekau ngā mema poari i tohua hei kawe i te manuka. Nā i oti te hui ā tau i te kotahi haora noa iho, aue te pai.

Kua rongonuitia ā Ngāti Kahunugunu mo āna waiata, karakia, korero ataahua. Nā whai anō ka puta ko te taonga kōrero ā "Tihei Kahungunu" I wānangatia te hui i ngā waiata, i ngā kōrero hītori me ngā kōrero ō ēnei rā hei kīnaki mō te kaupapa.

Nā te tiamana o te Rūnanga ō Ngāti Kahungunu ā Ngahiwi Tomoana, te wānanga i whakahaere. Nāna mātou i whakakata, i whakakoa, i whakaaroha ki ngā waiata ō te kainga.

A kāti i oti te hui i runga i te whakahau, ka tū he hui anō.

TRONK Kaumatua Matariki Ball June 2009

Kaumatua Matariki Ball, Sat 27th June 2009, Te Whanganui a Tara

I tu te po whakangahau ā Matariki mā nga kaumatua ki te marae o Pipitea. Nā te Runanga o Ngati Kahungunu ki Te Whanganui a Tara (TRONK) te po i whakahaere hei whakamihi i ā tātou kaumatua i tēnei wā hira o te tau. Ahakoa te makariri me te koroheketanga ā ētahi i hui te minenga i runga i te wairua harikoa. I haere mai ngā kaumatua nō ngā topito ē whā o te hāpori, nō ngā hapu, iwi maha ō Aotearoa me te Moana Nui ā Kiwa. I reka ai ngā taringa i te waiata, i kii pai te puku i te hangi, kā mutu i kanikani ngā kaumātua anō nei he kāhui whetu, kō rātou.

Kā nui te mihi ā TRONK ki ngā kaumatua me ngā ringa wera ō Ngāwari Hauora. He tātai whetu ki te rangi, ki te whenua.